“Тәуелсіздік елімнің тұмарысың!”

Қазақстан Республикасы Тәуелсіздігінің 30 жылдық мерекесіне орай 06-11 желтоқсан аралығында N163 орта мектебінде “Тәуелсіздік елімнің тұмарысың!” атты тарих пәні апталығы өтті. Апталықтың ашылу салтанаты еліміздің Әнұранымен ашылды. Одан әрі оқушылар өздері жазған өлеңдерін оқып, танымдық сұрақтарға жауап беріп, бірлестік жетекшісі Жумабекова Ляззат апталықтың бағдарламасымен таныстырды.Келесі күннен бастап бірлестік мүшелері түрлі тақырыпта ашық сабақтар,тәрбие сағаттары, зияткерлік сайыстар өткізді. Көркем сурет, қабырға газеттері байқауы жарияланып, жүлделі орын белгіленді. Апталықтың жабылу салтанаты мектеп көркемөнерпаздарының әдеби- музыкалық кешімен жалғасты. Осы іс-шараның өтуіне тарих пәні бірлестігімен бірге, қазақ тілі, ән-әуез, бастауыш бірлестіктері де белсене араласты. Ата- аналар да кеште мерекеге, ұстаздарға арнаған өлеңдерін арнады. Кеш соңында белсене қатысқан оқушылар марапатталды. Тәуелсіздігіміз тұғырлы болсын!!!