"Тәрбие – отбасынан басталады"

"Тәрбие – отбасынан басталады" демекші, баланың отбасынан көрген-білгені оның бүкіл өміріне жолдама болып қалмақ.

Әбу Насыр әл-Фарабидің: «Адамға ең бірінші білім емес, тәрбие беру керек, тәрбиесіз берілген білім адамзаттың қас жауы,» деген екен.

Тәрбиенің бастауы, қайнар көзі – отбасы. Отбасы шағын мемлекет. Осы шағын мемлекет басшысы – ата-ана. Мемлекет басшысына қарап халқы бой түзейтіні сияқты, ата-анасына қарап баласы өседі. Отбасының балаға берері де, үйретері де көп.«Әкеге қарап ұл өсер, шешеге қарап қыз өсер» дегендей, бала кішкене кезінен бастап өз ата-анасына қарап еліктегіш, олар не істесе соны істеп, солардан үйренгісі келіп, соларға ұқсағысы келіп тұрады. Ата-ананың басты міндеттерінің бірі – баланы, әсіресе, сәби кезінен ұқыптылыққа, жинақылыққа, еңбексүйгіштікке тәрбиелеу.

Жас ұрпақ – біздің өміріміздің тікелей жалғастырушысы ғана емес, еліміздің тірегі, мызғымас болашағы. Адамзаттың өмірдегі ең қымбаттысы, көз қуанышы – бала"-дегендей бүгін 2 д сынып жетекшісі Мадиева Мөлдірдің ұйымдастыруымен "Отбасы-тәрбие бастауы"  атты ашық тәрбие сағаты ата-аналармен бірлесіп өтілді.

Сабақтың мақсаты: Отбасы тәрбиесінде ата-ананың балаға тәрбиелік ықпалын арттыру.Тәрбиенің ең тамаша жері -отбасы екенін,олардың  бала тәрбиесінде алатын орнын, оқу-тәрбиеге жауапкершілігін арттыра отырып,мектеп пен ата-ана арасындағы байланысты арттыру.

Сабақ барысында ата-аналар мен оқушылар екі топқа бөлініп,ата-ана мен бала бірлесе отырып ,түрлі тапсырмаларды,сұрақтарды топпен,жұппен орындады. Ата-аналармен  түрлі ойындар жүргізілді.

Сабақ соныңда мектеп директоры Шалысбаев Мұхтар сөз сөйлеп,ата-аналарды Алғыс хатпен марапаттап,сабақты қорытындылады.