"Елін сүйген, елі сүйген Елбасы"

Қазақстан Республикасының Тұңғыш Президенті күнін мерекелеу мақсатында аудан орталығындағы №163 жалпы орта мектебінде 6"б", 7"б" сынып жетекшілері- Данабибі Шамсудин мен Зухра Дәулетбаеваның ұйымдастыруымен "Жалын" шаңырағы аясында "Елін сүйген, елі сүйген Елбасы" тақырыбында жалпыреспубликалық ашық сабақ өтілді. Сабаққа ауданымыздың мәслихат депутаты-Зағипа Абжалелова және Ауған соғысы ардагерлерінің төрағасы Қуаныш Аблакимов және мектеп басшылығы қатысты. Іс шара барысында Тұңғыш Елбасымыздың өмір жолына шолу жасалды, "Балалық шағымның аспаны" атты кинофильлімінің желісінде көріністер көрсетілді, А. Бөгенбай мен А. Анарбайдың орындауында патриоттық әндер шырқалды, деректі фильмдерден үзінділер көрсетіліп, Елбасымыздың арқасында еліміздің жеткен жетістіктеріне шолу жасалынды. Тарих пәнінің мұғалімі- Ұ. Таждинов Елбасымыздың жүріп өткен дара жолы жайында естеліктер айтып берді. Кешті мектеп директорының міндетін атқарушы- С. Тулепбергенова қорытындылап, оқушыларға мерекелік тілек тіледі.