1 СӘУІР—ХАЛЫҚАРАЛЫҚ ҚҰСТАР КҮНІ

Құстар – табиғат, өмір көркі.

Халық шебер әншісін бұлбұлға, ардақты азаматын сұңқарға, қас сұлуын аққуға, ез жігітін жапалаққа теңеген.

Құс барлық пен байлықтың, әсемдік пен сұлулықтың белгісі болған.

Құстар күніне орай “Құстарға қамқорлық” акциясына мектебіміздің «Жас Ұлан» ұйым мүшелері белсене қатысты.

Акцияның басты мақсаты – оқушыларды құстарға және қоршаған ортаға қамқор бола білуге тәрбиелеу, экологиялық білімдерін қалыптастырып, табиғатты қорғап, аялай білуге үйрету және құстарға қамқор болуға баулу болып табылады.

Акция аясында "Жас Ұлан" ұйым мүшелері құстарға арнап ұя жасап, олардың тамақтануына ыңғайлы етіп ағашқа орналастырды. Осы арқылы оқушылар бойында "мейірімділік", "қамқорлық" секілді құнды қасиеттердің қалыптасары анық. Мұндай акциялар алдағы уақытта өз жалғасын табарына сенімдіміз.