13
февраль
2023
«Отбасы - бақыт мекені»
№163 орта мектебінде 6”Г”сыныбының сынып жетекшісі Смат Айгерімнің ұйымдастыруымен «Отбасы - бақыт мекені» атты ата-аналардың қатысуымен ашық тәрбие сағаты өткізілді.
Тәрбие сағатының мақсаты: Отбасы құндылықтарын дәріптеу, ата-ана мен баланың арасындағы қатынасты тәрбиелеу, оқушылардың бойында отбасына деген сүйіспеншілікті тудыру.
Тәрбие сағатына оқушылардың бастауыш сыныптағы алғашқы ұстазы Жұматова Асылзат апай және тағы да басқа пән мұғалімдері мен 11 ата-ана қатысты.
Сынып сағаты барысында ата-аналар «Баламның мөлдір көздері» әдісі арқылы топқа бөлініп, «Бақытты отбасы» тақырыбында постер қорғап, ана мен баланың арасындағы бір-біріне деген ерекше сүйіспеншіліктерін одан әрі нығайту мақсатында түрлі ойындар ойнатылып, ситуациялық сұрақтар қойылды.
Шара соңында мектебіміздің Тәрбие ісі жөніндегі орынбасары А.Назарымбетова, Оқу ісі жөніндегі орынбасары З.Шоманова ата-аналардың өте белсенді қатысқандығын және оқушылардың татулықта жұмыс жасағандығын және қатысқан ата-аналар жақсы ой-пікірлерін айтқандығын тілге тиек етті. Сынып жетекшісі Смат Айгерім «Сыйластық пен мейірімділік орын алған отбасы ешқашанда шайқалмайды» деген қанатты сөздермен тәрбие сағатын қорытындылады.
