09
февраль
2023
"Қазақстан-мейірімділік мекені"
9 ақпан күні, Қызылорда облысы,Жаңақорған ауданы №163 орта мектебінің 3-в сыныбында
Татебаева Салиманың ұйымдастыруымен
"Қазақстан-мейірімділік мекені" тақырыбында тәрбие сағаты өтілді. Тәрбие сағатының мақсаты: баланың бойына рухани адамгершілік қасиеттерді ұялатуға, жақсы-жаманды ажырата білуге, адамдық асыл қасиеттерді сіңіруге тәрбиелеу болды.
Сабақ шаттық шеңберімен басталып, рөлдік ойындар көрсетіліп және қима қағаздардан өлең жолдарын құрастырып, оқушылар арасында "Ең мейірімді жан " иесін анықтаумен тәрбие сағаты өз мақсатына жетті.
Ата-ана,Тұрсынбаева Мейрамкүл: “Оқушыларға, сендер бір-біріңе жақсылық жасап, жылы сөздер айтып, әрдайым көмек көрсету арқылы мейірімділік таныта аласыңдар”,-деп өз пікірін білдірді.
Қорытынды сөзді мектеп директорының тәрбие ісі жөніндегі орынбасары А.Назарымбетова: ”Адам қандай қиындыққа тап болса да,жігерін суытпай, сенімін жоғалтпай өмір сүруі керек”,-деп жылы лебізін білдіріп, қорытындылады.
